Header Ads

සිහිනයකි සිනහව



උදාවන හිරු කුමරු දහසක් පැතුම් දැල්වුවද
දිවිය තුල මුල්වරට හදෙහි දොරගුලු විවර විය
කදුලු බිඳු නෙත් අඟින් ගලන විට සිත්තමට
පිස දැමුවෙ මා හනික පුංචි සිත නොරිදෙන්න
පුංචි සුරඟන විලස මවගෙ උණුසුමෙහි හිඳ
පැමිණි විට අභියසට සඟවගෙන මුව කමල
කිසාගෝතමි සිහිව සියොළඟම හිරිවැටුණි
එදා ඇය ඉල්ලුවේ මරුණු පුතුගේ දිවිය
මෙදා ඇය ඉල්ලුවේ පුංචි කැකුළගෙ සිනහ
රිදුණු සිත සඟවගෙන සිනහසුණු නමුදු මම
නොදැක්කෙමි සුරතල් සිනා මුව වසා තිබූ හෙයින්
දසන් පෙන්වා ඇයට සුරතල් සිනා නඟන්නට
අහිමි කළ දෛවය ගැන මැදියම් රැයෙහි සිතමි මම
හෙට උදාවන විටදි සිනහවක් රැඳේවා
ඒ සිඟිති මුවඟ කොන හදවතින් පතමි මම….

-මිණි-

එම්.ජී.මෙත්මා පියුමිණී
පරිගණක ඉංජිනේරුපීඨය
පළමු වසර